بسم الله الرحمن الرحيم

شروط المهمة 

- تكون أكتر من لفل 90

- يفضل يكون اميلك جامد عشان الوحوش هناك ألاتاك بتاعها عالى وممكن يقتلوك

وقت المهمة

- الوحش بيطلع بعد ما يموت بساعة

ملوحظة .. مش بيطلع كل ساعة  بيطلع بعد ما يموت بساعة وركز فى الحتة دى اوى يعنى لو مات 3:10 هيطلع الساعة 4:10 بس هو ملهوش وقت بيطلع فية .

جوايز المهمة

- DragonBall

- 5 ميتور

- جميات ريفايند

- جميات سوبر

- Study Point

- Money Bag

شرح المهمة 

- اول حاجة هنسافر البيرد

- هتروح المكان دا زى مانا معلم فوق فى الخريطة كدا هتلاقى تعبان اسمة Green Snake كلمة 

- بعد ما تكلمو هيدخلك هنا.

- افتح الـ Shift Screen . الى انا معلم عليها دى , الى ناس بتقول عليها الكاميرا.

- طريقة أستخدام الـ Shift Screen او الكاميرا

- بعد ما هندوس عليها فوق هندوس على زرار Alt هتحرك الماوس اتجاة المكان الى هنط علية الى هوا البتاعة الخضرا الى فـ نص المية دى 

- هتقتل الوحش دا وهنط مكانة عشان نعدى للجزيرة الى بعدها وهكذا.

- واخيرا هوا دا مكان وحش الدى بى بتستنى لما الوحش يخرج وتقتلة وتحسب هو مات امتى بالظبط عشان هيطلع فـ نفس الوقت بس بعد ساعة او تقدر تسيب الاكونت اوتو لو انت فى اى بى وبكدا يكون الشرح خلص .

-----------------

- جروب المدونة للسؤال عن اى شىء

- صفحة المدونة لمتابعة كل جديد

0 تعليق

Mohamed El-Sagher 8:18 م

مزيد من المعلومات »

شرح مهمة Sky pass

شروط المهمه

- ملهاش وقت متاح انك تعملها فى اى وقت

الشروط

- ملهاش شروط

جوايز المهمة

- 5 ميتور / مليون جولد / 3 كور أكس بول / جماية سوبر / Study Point 500

------------------

شروط المهمة

- هنروح للراجل دا فى التاون وندوس اول اختيار ونختار الاختيار الى انا معلم علية دا .

- هنكلمة وهيدخلنا عند الست دى هندوس عليها وهنخش

- هيدخلنا مكان فية 5 وحوش شبهة Hill Monster بتوع الديزرت هتكلمهم عشان يطلعوك للجزيرة الى بعدها .

- لو انت محظوظ هيدخلك للجزيرة الى بعدها على طول لو مش محظوظ هيدخلك الجزيرة دى هيكون فيها وحوش هتفضل تقتل فيهم لحد ما يجيلك التوكن تكلم الراجل هيرجعك للخمس وحوش تانى عشان تكلمهم ممكن بردو يرجعوك للجزيرة تانى تقتل الوحوش او يطلعوك للجزيرة الى بعدها وهكذا لحد ما تطلع الجزيرة الى بعدها .

- ودا شكل التكون ..

- بعد ما تجيب التوكن وتكلم الراجل وتروح المرحلة الى بعدها هتلاقى خمس وحوش شبهة وحوش التعابين الى فى الفونيكس ..

- هتكلم وزى كل مرة لو محظوظ هتخش المرحلة الى بعدها على طول لو مش محظوظ هتخش للجزيرة وتقتل الوحوش لحد ما تجيب التوكن وهكذا لحد الاخر .

المرحلة الى بعدها هيوديك لخمس الوحوش دول تختار واحد فيهم ونفس النظام

- ودى المرحلة الى بعدها ..

- ودى المرحلة الى بعدها والاخيرة ... بس لازم تخش لجزيرة تقتل فيها الوحوش.

- ودى الوحوش الى بتقتلها لحد ماتجيلك التوكن تكلم الراجل بيطلعك وبيديك الهدية انت وحظك.

--------------------

- جروب المدونة للسؤال عن اى شىء

- صفحة المدونة لمتابعة كل جديد

0 تعليق

Mohamed El-Sagher 10:58 م

مزيد من المعلومات »

شرح مهمة  Evil Labyrinth

ألشرح

- المهمة عبارة عن انك بتخش جوه اللاب ( ده مكان فيه وحوش وهتفهم بعد شوية ) .

- اللاب ده متقسم 4 ادوار .

- مطلوب منك تجيب صندوق من كل دور .

- علشان تجيب الصندوق هتحتاج يكون معاك 17 جوهره من الدور اللى انت فيه ( تجمع 17 جوهره وتحولهم لصندوق ) .

- كل صندوق بيوقعلك نوع غير النوع من الجواهر دى .

- لما بتجيب الصندوق بتحتاج تجيب Token علشان تطلع للدور اللى بعدو ..

- فى كل دور ممكن يجيلك خريطة ( اسمها بيتغير حسب الدور ) الخريطة دى بتوريك مكان الكنز بتروحوا وبتدوس عليها بتاخد 5 جواهر اول ما تضربها علطول , او بتلاقى وحش تقتلوا الاول وبعدين بتاخد ال 5 جواهر , والمكان بيختلف من دور لدور .

- ممكن يجيلك وانت بتضرب حاجة ف الايتم اسمها Guiding Bee ,, النحلة دى بتوديك علطول لمكان الكنز وممكن توديك لمكان الراجل اللى هيطلعك الدور الجاى بدل ما تروحلهم بنفسك .

ملخص المهمة 

اول ما هتخش اللاب هتبقى فى الدور الاول , مطلوب منك فيه انك تجمع 17 جوهره ( الجواهر بتيجى ف الشنطة اوتوماتيك ) , بعد ما تجمع ال17 جوهره هتحولهم لصندوق , كدة انت خلصت 50% من الدور الاول , ال 50% التانية انك تلاقى التوكن Token ودى بتقع فى الارض من الوحوش بعد ما تجيبها هتطلع الدور التانى وهكذا .. بنفس الطريقة هتعمل كدة فى الدور التانى والتالت وطبعأ الدور الرابع مش هتجيب منه توكن علشان مفيش دور خامس .

يعنى لما توصل للدور الرابع وتجمع منه 17 جوهره هتحولهم للصندوق وبعدها تخرج من المهمة وانت كدة خلصتها.

 الشرح بالتفصيل

الدور الاول

- اول حاجة هتكلم الراجل ده وتختار اول واحدة ف اول واحدة علشان يدخلك اللاب

- هتفضل تضرب ف الدور الاول لحد ما تجمع 17 جوهره ( هييجوا اوتوماتيك ف شنطتك وانت بتقتل الوحوش ) الجوهره دى اسمها Sun Diamond وده شكلها :

- بعد ما تجمع منها 17 واحدة هتدوس عليها كلك يمين وتختار اول واحدة

- كدة انت جبت اول صندوق وده شكله

- كدة انت خلصت اول 50% من الدور الاول , فاضلك تلاقى التوكن ودى هتقع من الوحوش والتوكن بتاعة اول دور اسمها Sky Token وده شكلها

- هتروح للراجل الطيب ده وتختار اول واحدة وانا موضح شكلوا على الخريطة

- وانت بتضرب ف الوحوش ممكن تلاقى خريطة الكنز وخريطة الكنز دى بتدوس عليها بيكتبلك مكان الكنز , بتروحلوا ولما بتروح بتدوس عليها كلك يمين بتديك 5 جواهر ف الشنطة ,, او بتلاقى وحش بعد ما تقتلوا هتاخد ال 5 جواهر ( الوحش ضعيف بس دموا اكتر من باقى الوحوش ) .
- الخريطة دى اسمها بيتغير من دور لدور ودى خريطة الدور الاول

- ممكن وانت بتضرب بردو يجيلك ف الشنطة النحلة Guiding Bee والنحلة دى بتساعدك تروح علطول لمكان الكنز منغير م تفضل ماشى ورا الاحداثيات بتاعتوا بال X - Y ,, دى شكلها واسمها ثابت فى كل الادوار وينفع تستعملها ف اى دور .

- هتدوس عليها كلك يمين وتختار لإما تروح لمكان الكنز وبعد ما توديك تدوس على الخريطة علشان تاخد ال5 جواهر .
- لإما تختار انها توديك للراجل اللى هيطلك الدور الجاى .

------------

الدورالتانى

اللى فهم الدور الاول هيفهم باقى الادوار عادى ,, قبل ما تقرا الدور التانى ياريت لو فى حاجة مفهمتهاش اقرا الدور الاول كويس وبعدين تعالى اقرا هنا .

- بعد ما كلمنا الراجل فى الدور الاول وكان معانا التوكن وطبعأ معانا الصندوق , هيطلعنا الدور التانى , ونفس الحوار اللى اتعمل فى الدور الاول هنعملوا هنا تانى .
- هتجمع 17 جوهره بس المرادى هتلاقى اسمها Moon Diamond وده شكلها

- لما تجمع منها 17 هتدوس عليها كلك يمين زى ما عملت ف الدور الاول وتحولهم للكنز

- وده شكل الكنز

- كدة جبت الكنز فاضلك التوكن ,, دى التوكن بتاعة الدور التانى اسمها Earth Token

- بعد كدة هتروح للراجل اللى هيطلك الدور التالت , وممكن تروحلوا ف ثانية لو استعملت النحلة ( زى ما شرحت ف الدور الاول ) وده الراجل ومكانه ع الخريطة , هتختار اول واحدة علشان يطلعك الدور التالت

- ودى خريطة الكنز اللى هتجيلك من الدور التانى

------------

الدور التالت

- خلاص انت كدة المفروض عرفت اللى فيها :D .
- هتجمع 17 جوهره , والمرادى هتلاقى اسمها Star Diamond وده شكلها

- بعد ما تجمع ال 17 هتدوس عليها علشان تجيب الصندوق

- وده شكل الصندوق

- كدة ناقصلك التوكن , والتوكن ف الدور التالت اسمها Soul Token ودى اخر توكن يا صديقى

- كدة انت جبت الصندوق والتوكن , هتروح للراجل ده بأه علشان يطلعك للدور الرابع والاخير

- دى خريطة الكنز اللى هتجيلك وانت ف الدور التالت اسمها Starry Treasure Map

-------------

الدور الرابع

- وصلنا للدور الرابع والاخير , الدور ده مفهوش توكن , كل اللى عليك انك تجمع 17 جوهره .
- الجوهره اسمها Cloud Diamond وده شكلها

- بعد ما تجمع منها 17 هتدوس عليها علشان تحولهم للصندوق

- وده الصندوق

- هتروح بأه للراجل الطيب اللى هيرجعك التاون او تضرب رسالة انت كدة خلصت المهمة

- ده شكل الخريطة اللى هتلاقيها وانت ف الدور الرابع واسمها Cloud Treasure Map

---------------

هترجع التاون وهيكون معاك الاربع صناديق دول

كدة يا صديقى انت خلصت المهمة وخدت ال 4 صناديق بتوعك .

جوايز كل صندوق

الصندوق الاول Solar Treasure Chest :

- هيديك ساعة تلفيل كإنك كنت بتضرب انت وبتلفل .
- وجايزة تانى انت وحظك ف الغالب هيجيلك كورة حمرا بتاعة الجيلانج Protection Pill .
- Solar Crystal .

الصندوق التانى Lunar Treasure Chest :

- هيديك اكسبى ساعتين كإنك كنت بتلفل ساعتين .
- جايزة تانية انت وحظك ف الغالب هيجيلك 100 نقطة تشى او صندوق هيديك واحد Talent ف الجيلانج .
- Lunar Crystal .

الصندوق الثالث Starry Treasure Chest :

- هيديك اكسبى 3 ساعات جاهز كإنك كنت بتلفل 3 ساعات .
- جايزة تانية انت وحظك ف الغالب هتكون 200 نقطة تشى او كور حمرا للجيلانج Protection Pill .
- Starry Crystal .

الصندوق الرابع Cloud Treasure Chest :

- هيديك 4 ساعات اكسبى كإنك كنت انت اللى بتلفل ف ال 4 ساعات دول .
- جايزة تانية انت وحظك ف الغالب هتكون 300 نقطة تشى او 3 صناديق كل واحد بيديك كورس مجانى ف الجيلانج .
- Cloud Crystal .

ركز معايا شويه

كل صندوق فتحتوا جبلك Crystal من نوعه , يعنى معاك 4 كريستالات , دوس على اى واحدة من الاربعة كلك يمين ( ويكون التلاتة التانيين معاك ف الشنطة ) هيجيلك حاجة اسمها ال Yang Jade ودراجون سول ممكن يجيلك لحد P7 .
ال 4 كريستالات اهم :

ال Yang Jade دى هتديك 300 نقطة تشى وده شكلها

وانا جالى وانا بصور الشرح شنطة دراجون صول P5.

حاجات لازم تعرفها

1- وانت فى اللاب ممكن تبدل 3 جواهر من الدور اللى انت فيه ب واحدة من نوع الجواهر بتاعة الدور اللى بعديه ,, والطريقة سهله , بدل ما كنت بتدوس على الجوهره وبتختار اول واحدة من الشمال اللى بتحولك ال 17 لصندوق , لأ هتختار اول واحدة من اليمين وهتحولك 3 مجوهرات ل واحدة من النوع بتاع الارض اللى بعديها .
2- السول اللى بيجيلك ده بيكون NO FREE وتقدر تبيعوا برحتك .
3- السول ده بيكون لمدة 7 ايام بس لو مستعملتوش هيختفى .
4- علشان تاخد الكريستالات دى لازم تكون سكند اعلى من لفل 120 .

الشرح فيديو

0 تعليق

Mohamed El-Sagher 12:31 ص

مزيد من المعلومات »